ШУТИС-ийн номын сангийн хамт олон соёл урлагийн ажилтны өдрийг тэмдэглэн өнгөрүүлэв
2013 оны 09-р сарын 09-ны өдөр ШУТИС-ийн номын сангийн хамт олон соёлын ажилтны баярыг тэмдэглэн, баярын хурлаа хийлээ. МУ-н Засгийн газрын 2010 оны 7 дугаар сарын 7-ны өдрийн тогтоолоор баталсан жил бүрийн 9 дүгээр сарын хоёр дахь ням гаригт Соёл, урлагийн ажилтны өдрийг тэмдэглэн өнгөрүүлэх болсон билээ.
Номын санчдын баярын өдрийг ШУТИС-ийн номын санч-соёлын ажилтнууд баярын хурлаар эхлүүлэн хамт олноо манлайлан ажилласан ажилтнууддаа баяр хүргэж МУ-н засгийн газрын шагнал Соёлын тэргүүний ажилтан цол тэмдэгээр А.Соёмбо, Л.Болормаа нарыг, ШУТИС-ийн ректорын нэрэмжит шагналаар Б.Золзаяа, ХИБТС, НТС-ийн захирлын нэрэмжит шагналаар Д.Даваамандах, М.Энхтайван нар шагнагдлаа. Баярын хуралд ШУТИС-ийн ректор Б.Очирбат, ХИБТС-ийн захирал Ж.Туяацэцэг, НТС-ийн захирал Б.Пүрэвсүрэн бүрэлдэхүүн сургуулийн номын санч соёлын ажилтнууд оролцлоо.
Хурлын эхэнд Шинжлэх Ухаан Технологийн төв номын сангийн захирал Ч.Гулнар номын сангийн зорилго зорилтууд, номын сангийн хөгжлийн талаар товч мэдээлэл хийлээ. ШУТИС-ийн ректор Б.Очирбат номын санчдын баярын өдрийг тохиолдуулан нийт соёлын ажилтнуудадаа мэндчилгээ дэвшүүлсэн.
 |
|
 |
 |
Ректор хэлсэн үгэндээ: Соёл урлагийн ажилтны өдрийг манай ШУТИС-ийн номын сангийн хамт олон уламжлал болгон тэмдэглэж ирсэн. Олсон ололт амжилтаа дүгнэн цэгнэж цаашид хийхээр ажлаа төлөвлөж ирсэн уламжлалтай. Номын сан гэдэг бол их сургуулийн хамгийн үнэ цэнтэй нэгж байдаг. Эндээс бидний ирээдүй болсон оюутан залуус мааны шинэ мэдээлэл, мэдлэгийг олж авч, өөрсдийн зайлшгүй сурах зүйлсээ олж авч байдаг.
Хүн нэг бүрт хүрч чаддаг онцгой нэгж бол номын сан гэж үздэг. Манай номын сан өөрийн сургууль эх орондоо төдийгүй олон улсын хэмжээнд хүлээн зөвшөөрөгдөх хэмжээнд үйл ажиллагаагаа явуулж байна. Энд ажиллаж буй номын санчидын хувьд байнга мэдлэг боловсролоо дээшлүүлж байдаг, ур чадвартай хамт олон ажиллаж байна. Цаашид номын сан маань цахим номын сан болж хөгжих үндэс суурь эхлэлүүд нь хангалттай тавигдаж байна. Энэ бол бидний цаашдын хөгжлийн гол үндэс суурь болж байдаг юм...
Ингээд ШУТИС-ийнхаа номын сангийн үйлчилгээг бүх түвшинд чанартай сайхан үзүүлэхийн төлөө хичээн чармайн ажиллаж байгаа нийт номын санчид соёлын ажилтнууддаа баярын өдрийг тохиолдуулан их сургуулийн удирдлага, эрдмийн хамт олон, багш, оюутан суралцагчдынхаа өмнөөс халуун баяр хүргэж, ажлын их амжилт амьдралд тань аз жаргал эрүүл энх сайн сайхан бүхийг хүслээ.
 |
 |
 |
|
Дашрамд дарьдахад ШУТТНС-ийн ахлах номын санч Ч.Хишигсүрэн Солонгосын Чонбукийн Их Сургуулийн “Номын Сан Мэдээллийн Шинжлэх Ухаан”-ны тэнхимд хамгаалсан (Department of Library and Information Science) "Солонгос Монголын Их Дээд Сургуулийн Номын Сангийн Мэдээллийн Үйлчилгээний Харьцуулсан Судалгаа" сэдэвт магистрын ажлаа танилцуулав.