Танилцуулга
Шинжлэх ухаан, технологийн төв номын сан нь шинжлэх ухаан, технологийн чиглэлийн мэдлэг мэдээллээр хангах, цахим мэдээллийн үйлчилгээ, сургалт судалгааны үйл ажиллагааг дэмжих орчин үеийн, таатай орчинг бүрдүүлсэн түшиц газар байна.
ШУТИС-ийн төв болон бүрэлдэхүүн, харьяа сургуулиудын /БУХС, МХТС, МехТС, ҮТС, ДаТС, ЭЦДС, ӨмТДС/ номын сангаас бүрдсэн 7 салбар номын сантай, 1789 уншигчийн суудал, 360280 ном, 69 ажилтан, ажилчидтайгаар “ШУТИС-ийн Шинжлэх ухаан, технологийн номын сангийн үйл ажиллагааг зохицуулах журам”-ийг мөрдөн үйл ажиллагаагаа явуулж байна.
Төв болон салбар номын санд 56 номын санч, мэдээллийн ажилтан ажиллаж байгаагаас доктор 1, магистр 16, бакалавр 31, дипломын зэрэгтэй 8 номын санч ажиллаж байна.
Үүнээс ШУТТНС нь 742 суудал, 177008 номын сан хөмрөгтэй байна.
Монголын их, дээд сургуулиудаас анхны бие даасан номын сангийн барилгатай болсон, нэг цэгийн үйлчилгээ, хурлын танхим, 24 цагийн уншлагын танхим, олон улсын төвүүд зэрэг шинэлэг үйлчилгээг нэвтрүүлэн ажиллаж байгаа нь онцлог байна.
