ШУТТНС-д ном, сурах бичиг хандивлав
УУИС-ийн Ашигт малтмалын баяжуулалтын технологийн профессорын багийн профессор, төрийн шагналт доктор (Sc.D) Б.Лайхансүрэн өөрийн бичсэн ном, зохиолын дээжээсээ 9 төрлийн 29 ширхэг ном, сурах бичгийг ШУТТНС-д хандивлалаа. Б.Лайхансүрэн багшийн “Тэсэлгээний ажлын аюулгүй ажиллагаа”, “Үйлдвэрийн тэсрэх бодис”, “Үйлдвэрийн тэсэлгээний хэрэгсэл”, “Эх дэлхий эрдэс баялаг уул уурхай”, “Манай тэсэлгээнийхэн” номнууд нь Уул уурхайн мэргэжлийн багш, оюутнууд, тэсэлгээний мэргэжлээр ажиллаж байгаа нийт хүмүүст зориулагдсан байна. Мөн "Билгүүн учрал", "Сэтгэлийн өргөл" номнууд нь шинжлэх ухаан үйлдвэрлэлийн салбарт хувь нэмрээ оруулсан ахмад, дунд үеийхний ажил амьдралын амжилт бүтээл, бахархам дурсамжуудыг оюутан залууст зориулан бичжээ.
Б.Лайхансүрэн багшдаа талархаж нийт уншигч оюутнуудынхаа өмнөөс цаашдын судалгааны ажилд тань амжилт хүсэж байна.
 |
|
 |
Номын цагаан буян дэлгэрэх болтугай