"Азийн орнуудын техник технологийн номын үзэсгэлэн"-г Монголд анх удаа зохион байгууллаа
ШУТИС-ийн “Дэлхийн номын өдөр”-ийг 6 дахь жилдээ зохион байгууллаа.
Нээлтийн арга хэмжээнд ШУТИС-ийн ректор Б.Очирбат, Казакстаны элчин сайдын зөвлөх Рустен Маротович, Бауманы техникийн их сургуулийн хэвлэлийн газрын захирал Азер Алиев, дэд захирал Яковлев Денис, МУ-ын анхны ерөнхийлөгч, академич П.Очирбат, ШУТНС-ийн захирал Ч.Гулнар, МОХ-ны ерөнхийлөгч Д.Батбаяр, "Санка Маркетинг Монголиа” компаны захирал н.Нямдэлгэр, Голомт банкны ШУТИС дахь салбарын захирал н.Наранцэцэг, Америкийн монгол судлалын төвийн ерөнхий менежер н.Байгалмаа, “Номтой нөхөрлөе” клубын тэргүүн Н.Хүлгэн, ШУТИС-ийн бүрэлдэхүүн сургуулиудын захирал, Монголын ИДС-иудын төлөөлөл болон профессор багш, оюутнууд оролцлоо.
Нээлтийн үер Казахстан, Японы элчин сайдын яам, БНХАУ-ын “Хятадын боловсрол, номын экспорт импорт” компани, Ерөнхийлөгчийн тамгын газар, Америкийн Монгол Судлалын төв, Голомт банк зэрэг байгууллагууд ШУТТНС-нд боловсрол, техник технологи, танин мэдэхүйн чиглэлийн ном хандивлалаа.
Тэмдэглэлт өдрийн хүрээнд зарлагдсан “НОМ-Миний оюуны амин дэм” сэдэвт эссэ бичлэгийн уралдаанд ЭХС-ийн оюутан Г.Уламжаргал 1-р байр, ГУУС-ийн оюутан Г.Баянзул 2-р байр, ГХИ-ийн оюутан Ц.Түвдэндорж 3-р байр, ШУТНомын сангийн шилдэг уншигчаар БАС-ийн оюутан Ц.Батсугар шалгарч ректор Б.Очирбат, захирал Ч.Гулнар нараас шагнал гардан авлаа.
“Дэлхийн номын өдөр”-ийг тохиолдуулан “Азийн орнуудын техник, технологийн номын үзэсгэлэнг” монголд анх удаа зохион байгууллаа.
Үзэсгэлэнгийн нээлтэнд ШУТИС-ийн ректор Б.Очирбат, Казакстаны элчин сайдын зөвлөх Рустен Маротович, Бауманы техникийн их сургуулийн хэвлэлийн газрын дарга Азер Алев, Шинжлэх ухаан технологийн номын сангийн захирал Ч.Гулнар болон бусад албаны хүмүүс оролцлоо. Тус үзэсгэлэнд сүүлийн үеийн англи, солонгос, япон хэл дээрх барилга, архитектур, интерьер дизайн, эрчим хүч, геологи, уул уурхай, анагаах болон танин мэдэхүйн чиглэлийн 2000 гаруй сургалт судалгааны ном тавигдлаа.
"Дэлхийн номын өдөр"-ийг тохиолдуулан Бауманы техникийн их сургуулийн хэвлэлийн газрын дарга Азер Алев “Мэдээллийн нээлттэй сан” сэдвээр сонирхолтой сургалт явуулж, сургалтанд СЭЗДС, ХААИС, МҮИС, ШУТИС-ийн профессор багш судлаачид оролцов.
Тухайн өдөр Эрхзүйч, сэтгэл судлаач Б.Батсайхан, М.Дэлгэржав нарын "Сэтгэл судлалын толь бичиг" номын нээлт, хэлэлцүүлэг, "Номтой нөхөрлөе" клубын тэргүүн Н.Хүлгэн уншигчидтай чөлөөт ярилцлага хийлээ.
Уг арга хэмжээний хүрээнд ШУТИС-ийн брэнд бүтээгдэхүүний худалдаа, Профессор багш нарын номын худалдаанаас гадна уншигч оюутнуудын дунд танин мэдэхүйн тэмцээн зохион, ШУТИС–НЭЭЛТТЭЙ БУЛАН ажиллаж уншигчиддаа ном хандивлах үйл ажиллагааг явуулж, “Санка Маркетинг Монголиа” ХХК уншигчдад хувилах, хэвлэх үйлчилгээг үнэ төлбөргүй үзүүллээ.
Мөн “Сод пресс” ХХК, “Непко” ХХК, “Сэлэнгэ пресс” ХХК, “Интер ном”, “Аз хур” номын дэлгүүрүүд бүтээгдэхүүнээ 5-30%-ийн хөнгөлттэй худалдааллаа.
