ШУТТНС-нд ном хандивлалаа
Техникийн ухааны доктор, зөвлөх инженер Магзамын Магмут “ОПТИМАЛЬНЫЕ КОНСТРУКЦИИ НАРУЖНЫХ СТЕН ЖИЛЫХ ЗДАНИЙ В УСЛОВИЯХ МНР” нэг сэдэвт бүтээлээ зохиогчийн эрхийн хамт хүлээлгэн өгөх үйл ажиллагаа ШУТТНС-ийн Эрдэм шинжилгээний уншлагын танхимд 2015 оны 5 дугаар сарын 29-ний өдөр боллоо.
ШУТТНСангийн уншигч, оюутан, багш, судлаачдад зориулан БУХС-ийн Хүмүүнлэгийн ухааны багийн профессор А.Энхбаатар нь өөрийн орчуулсан “Шинжлэх ухааны философи”, ГХИ-ийн Ази судлалын профессорын багийн багш, доктор профессор Л.Чойжилмаа шинээр бичиж хэвлүүлсэн “Хятад хэлний сурах бичиг”, ”Хятад хэлний орчуулга”, БАС-ийн “Архитектурын профессорын баг”-ийн тэргүүлэх профессор И.Гончигбат ”Японы Ураясү хоттой танилцаж Хот байгуулалтыг ойлгох нь” нэртэй архитектурын мэргэжлийн номуудыг тус тус бэлэглэлээ.
Мөн Энэтхэгийн элчин сайдын яамнаас архитектур, танин мэдэхүйн чиглэлийн сэтгүүлүүд, орчуулагч Л.Адъяасүрэн нь өөрийн япон хэлнээс орчуулж хэвлүүлсэн Акүтагава Рюүносүкэ “Бурхдын инээмсэглэл” шилдэг өгүүллэгийн түүвэр номыг уншигчдын сургалт судалгаа, танин мэдэхүйд зориулж бэлэглэсэн байна.
Номын цагаан буян дэлгэрэх болтугай
Шинжлэх Ухаан Технологийн номын сан