ШУТТНС-ийн номын санчид XXI зууны номын сангийн тулгамдсан асуудлууд" сэдэвт чуулга уулзалтад оролцлоо.
ШУТТНС-ийн номын санчид Америкийн Монгол судлалын Төв, МУБИС, Номын санчдын “Таван ухаан” холбоо, АНУ-ын Баруун Вашингтоны Их Сургуулиудын хамтран зохион байгуулсан "XXI зууны номын сангийн тулгамдсан асуудлууд" сэдэвт чуулга уулзалтад оролцлоо. Чуулганаар "Зохиогчийн эрхийн асуудал", "Цахим номын сангийн хөгжлийн чиг хандлага", "Нээлттэй мэдээллийн сан", "Номын санч багш болох нь", "Уншигч судлаачдад үйлчлэх шинэ санал санаачлага гаргах номын сангийн менежмент" сэдвүүдээр илтгэл тавьж, нийт оролцогчдын дунд нээлттэй хэлэлцүүлэг явууллаа. Чуулганы үр дүнд номын сангийн мэргэжилтнүүд "Үндэсний хэмжээний нэгдсэн мэдээллийн сан" бүрдүүлэх, "Номын сангийн хөгжлийн хөтөлбөр" боловсруулах тал дээр хамтарч ажиллахаар боллоо.
