ШУТТНС-д шагналын хур буулаа
Шинэ оны босгон дээр Шинжлэх ухаан, технологийн төв номын санд шагналын хур бууж байна.
2024 оны 12 дугаар сарын 24-нд Монгол улсын төрийн дээд шагнал "Алтан гадас" одонгоор ШУТТНС-ийн ахлах мэргэжилтэн Э.Энхтүвшин шагнагдсаныг УИХ-ийн гишүүн, Монгол улсын Боловсролын сайд П.Наранбаяр гардууллаа.
Монгол улсын засгийн газрын шагнал "Соёлын тэргүүний ажилтан" хүндэт тэмдгээр номзүйч А.Энхнасан, Соёлын яамны "Хүндэт жуух"-аар номын санч С.Нургүл, Монголын залуучуудын холбооны "Хөдөлмөрийн алдар медаль"-аар үйлчлэгч Б.Насантогтох нар тус тус шагнагдлаа.
Мөн 2024 оны ажлаа дүгнэж "Шилдэг ажилтан"-аа хамт олны санал асуулгаар тодруулсан ба номын санч А.Соёмбо, үйлчлэгч М.Мөнхцэцэг нар шилдгээр шалгарлаа. Шагналыг ШУТТНС-ийн захирал Т.Энхцацрал гардуулан өгч цаашдын ажилд нь амжилт хүслээ.
2024 оны 12 дугаар сарын 28-ны өдөр ШУТИС-ийн ректор Т.Намнан төрийн одон, медаль, цол хүртсэн профессор багш, ажилтнуудыг хүлээн авч хүндэтгэл үзүүлсэн бөгөөд номын санч А.Соёмбо Монгол улсын төрийн дээд шагнал "Алтан гадас" одонгоор шагнагдсаныг гардуулан өглөө.
Номын цагаан буян дэлгэрэх болтугай
Шинжлэх ухаан, технологийн номын сан